هەلی کار

مەرجەکانی وەرگرتنی مامۆستا لە فێرگەی سمکۆئاکادێمی:

1. ۱. ئینگلیزی زۆر باش بێت

   مامۆستایەک کە دەیەوێت لە لای ئێمە کار بکات پێویستە لە هەر چوار توانایی قسەکردنSpeaking، گوێگرتنListening، نووسینWriting، خوێندنەوەReading لانیکەم لە ئاستی دواناوەندی ( upper intermediate) بێت.

2. ۲. ڕێنووسی کوردی بزانێت

   تەواوی فێرخوازانی فێرگەی سمکۆئاکادێمی کوردن، بۆیە پێویستە مامۆستاکان ڕێنووسی کوردی بزانن کە لە کاتی نامەناردن و وڵامدانەوە لە کۆڕەکان، بە زمانی فەرمی و دروست بۆ فێرخوازەکان بنووسن.

3. ۳. واز و وزەیان هەبێت

   مامۆستاکان پێویستە واز و وزەیەکی باشیان هەبێت کە بتوانن جەوێکی گەش و پڕلەوزە بۆ فێرخوازەکان بخولقێنن. ئەم بەشە بەتایبەت بۆ مامۆستاکانی بەشی منداڵان زۆر گرینگە.

4. ۴. کەرەسەی پێویست:

• لەپتاپ:

  بە هۆی ئەوەی کە کاری فێرگەی سمکۆئاکادێکی بەتەواوی سەرهێڵە، بەبێ لەپتاپ ئەم کارە ناکرێت. پێویستە مامۆستاکان هەموویان لەپتاپێکیان هەبێت.

• هێدسێت:

  لە کاتی وانەگوتنەوە پێویستە دەنگی مامۆستا بەباشی بۆ فێرخوازەکان بڕوات و هەروەها مامۆستاش بەباشی دەنگی فێرخوازەکان ببیسێت، بۆیە پێویستە میکرۆفۆنێکی تایبەت بە قسەکردنیان هەبێت. ئاگادار بن هێدسێتی گۆرانی گوێدان جیاوازە لەگەڵ هێدسێتی ئۆپێراتۆری کە تایبەتە بە قسەکردن.

• ئینتێرنێت:

  بۆ ئەوەی کلاسێکی ڕێکوپێک و کوالێتی بەرز و بەبێ‌پچڕان بەڕێوە بچێت، پێویستە مامۆستاکان ئینتێرنێتیکی خێرایان هەبێت. لەم لینکەی خوارەوە دەتوانن ئینتێرنێتی خۆتان تاقی کەنەوە. پێویستە خێرایی ئینتێرنێت لە ۲۰ی مێگابایت لە چرکەدا، کەمتر نەبێت.

• دووربین:

  لە فێرگەی سمکۆئاکادێمی کلاسەکان بە دووربینی کراوە بەڕێوە دەچن، هەم مامۆستا هەم فێرخواز پێویستە لە کاتی بەڕێوەچوونی کلاسدا دووربینەکەیان هەڵبکەن. بۆیە پێویستە دووربینی لەپتاپی مامۆستاکان کوالێتییەکی باشی هەبێت و ئەگەر دووربینی لەپتاپەکەیان کۆن بێت و کوالێتی باش نەبێت، پێویستە دووربینێکی ئێکستێرناڵ بۆ لەپتاپەکەیان بکڕن.

• ڕووناکی:

  بە هۆی ئەوەی کە لە کاتی وانەگوتنەوەدا مامۆستا دووربین دەکاتەوە، پێویستە ڕووناکییەکی باش لە ژوورەکەی مامۆستا هەبێت تاکوو فێرخوازەکان بەجوانی و بەڕوونی مامۆستا ببینن.

• ژوورێکی ئارام:

  بۆ بەڕێوەچوونی کلاسێکی ئارام و بێدەنگ، مامۆستا پێویستی بە ژوورێکی ئارام هەیە. نابێت کلاس لە شوێنێکی قەرەباڵغ و پڕ لە دەنگەدەنگ بەڕێوە بچێت. بۆیە مامۆستا پێویستە شوێنێکی ئارام و بێدەنگ بۆ کاتی بەڕێوەچوونی کلاس دابین بکات.