هەلی کار

مەرجەکانی وەرگرتنی مامۆستا لە فێرگەی سمکۆئاکادێمی:

1. ۱. ئینگلیزی زۆر باش بێت

   مامۆستایەک کە دەیهەوێت لای ئێمە کار بکات، پێویستە لە هەر چوار تواناییی قسەکردن(Speaking) ، گوێگرتن (Listening)، نووسین (Writing) و خوێندنەوە (Reading) لانی کەم لە ئاستی دواناوەندی ( upper intermediate) بێت.

2. ۲. ڕێنووسی کوردی بزانێت

   تەواوی فێرخوازانی فێرگەی سمکۆئاکادێمی کوردن، بۆیە پێویستە مامۆستاکان ڕێنووسی کوردی بزانن کە لە کاتی نامەناردن و وڵامدانەوە لە کۆڕەکان، بە زمانی فەرمی و دروست بۆ فێرخوازەکان بنووسن.

3. ۳. واز و وزەیان هەبێت

   مامۆستاکان پێویستە واز و وزەیەکی باشیان هەبێت کە بتوانن جەوێکی گەش و پڕ لە وزە بۆ فێرخوازەکان بخولقێنن. ئەم بەشە بەتایبەت بۆ مامۆستاکانی بەشی منداڵان زۆر گرینگە.

4. ۴. کەرەسەی پێویست:

• لەپتاپ:

  بە هۆی ئەوەی کە کاری فێرگەی سمکۆئاکادێمی بەتەواوی سەرهێڵە، بەبێ لەپتاپ ئەم کارە ناکرێت. پێویستە مامۆستاکان هەموویان لەپتاپێکیان هەبێت.

• هێدسێت:

  لە کاتی وانەگوتنەوە دەبێ، دەنگی مامۆستا بەباشی بۆ فێرخوازەکان بڕوات و هەروەها مامۆستاش بەباشی دەنگی فێرخوازەکان ببیسێت، بۆیە پێویستە میکرۆفۆنێکی تایبەت بە قسەکردنیان هەبێت. ئاگادار بن، هێدسێتی گۆرانی‌گوێدان جیاوازە لەگەڵ هێدسێتی ئۆپێراتۆری کە تایبەتە بە قسەکردن.

• ئینتێرنێت:

  بۆ ئەوەی پۆلێکی ڕێکوپێک و بە کوالێتی بەرز و بەبێ ‌پچڕان بەڕێوە بچێت، پێویستە مامۆستاکان ئینتێرنێتیکی خێرایان هەبێت. لەم بەستەرەی خوارەوە دەتوانن ئینتێرنێتی خۆتان تاقی کەنەوە. پێویستە خێرایی ئینتێرنێت لە ۲۰ مێگابایت لە چرکەدا، کەمتر نەبێت.

• کامێرا:

  لە فێرگەی سمکۆئاکادێمی پۆلەکان بە کامێرای کراوە بەڕێوە دەچن، هەم مامۆستا هەم فێرخواز پێویستە لە کاتی بەڕێوەچوونی پۆلدا کامێراکەیان هەڵبکەن. بۆیە دەبێ کامێرای لەپتاپی مامۆستاکان کوالێتییەکی باشیان هەبێت و ئەگەر کامێرای لەپتاپەکەیان کۆن بێت و کوالێتی باش نەبێت، پێویستە کامێرایەکی ئێکستێرناڵ بۆ لەپتاپەکەیان بکڕن.

• ڕووناکی:

  بە هۆی ئەوەی کە لە کاتی وانەگوتنەوەدا مامۆستا کامێرا دەکاتەوە، پێویستە ڕووناکییەکی باش لە ژووری مامۆستا هەبێت، تاکوو فێرخوازەکان بەجوانی و بەڕوونی مامۆستا ببینن.

• ژوورێکی ئارام:

  بۆ بەڕێوەچوونی پۆلێکی ئارام و بێدەنگ، مامۆستا پێویستی بە ژوورێکی ئارام هەیە. نابێت پۆل لە شوێنێکی قەرەباڵغ و پڕ لە دەنگەدەنگ بەڕێوە بچێت. بۆیە بۆ مامۆستا پێویستە، شوێنێکی ئارام و بێدەنگ بۆ کاتی بەڕێوەچوونی پۆل دابین بکات.